Վաղը՝ դեկտեմբերի 9-ին, ՀՀ-ում կայանալու են արտահերթ խորհրդարանական ընտրություններ։ Սա նշանակում է, որ այսօր՝ ընտրություններից մեկ օր առաջ, քարոզարշավ չպիտի կայանա, այսօր լռության օր է։ Ընտրություններին, հիշեցնենք, մասնակցում է 11 քաղաքական ուժ, որից 9-ը՝ կուսակցություն, 2-ը՝ դաշինք։ Ընդհանուր առմամբ Հայաստանի 13 ընտրատարածքներում կա 2010 ընտրատեղամաս: ՀՀ ընտրողների ռեգիստրում ընդգրկված է 2 574 916 ընտրող: Արտահերթ ընտրությունները լուսաբանելու համար հավատարմագրվել են 70 տեղական և 32 միջազգային լրատվամիջոցներ: