ԱԺ պատգամավոր Մանվել Գրիգորյանին պատկանող 40 օբյեկտներ սեփականաշնորհվել և օտարվել է կեղծ մրցույթներով: Ըստ ՀՀ վարչապետի պաշտոնակատար Նիկոլ Փաշինյանի սա պարզել է Հատուկ քննչական ծառայությունը:
«Իրականում ոչ մի մրցույթ չի եղել եւ ՀՔԾ-ն արդեն դիմել է Տարածքային և զարգացման նախարարություն, որպեսզի նախարարությունը Արմավիր եւ Տավուշի մարզի համայնքներին ուղարկի գրություն, որպեսզի այդ համայնքները դիմեն դատարաններ եւ այդ ամբողջ գույքը վերադարձվի համայնքներին»,-ասել է Փաշինյանը՝ հավելելով, որ այդ օբյեկտները Արմավիրում եւ Տավուշում են։
«Միայն Արմավիրի մարզում 475 հեկտար տարբեր նշանակության հողատարածք, Դիլիջանում՝ առողջարան կվերադարձվեն համայնքներին: Մենք քայլ առ քայլ ժողովրդից գողացվածը հետ ենք բերելու եւ թույլ չենք տա, որ ժողովրդից գողացված լումա անգամ մնա»,-հայտարարել է Փաշինյանը Քաջարանում:
00:00:00
