Իսպանիայի առաջնության 28-րդ տուրում Մադրիդի «Ռեալը» Էյբարում մրցեց համանուն թիմի հետ: Ֆրանսիացի Զինեդին Զիդանի գլխավորած թիմի կազմում հաշիվը բացեց պորտուգալացի հարձակվող Կրիշտիանու Ռոնալդուն: Սակայն երկրորդ խաղակեսում դաշտի տերերը կարողացան հավասարեցնել հաշիվը: Վերջնամասում Ռոնալդուն դուբլ ձեւակերպեց եւ հյուրերը խուսափեցին միավորների կորստից:
«Ռեալը» 57 միավորով երրորդ տեղում է եւ 4 միավոր հետ է մեկ հանդիպում քիչ անցկացրած Մադրիդի «Աթլետիկոյից»: Չորրորդ տեղում ընթացող «Վալենսիան» 27 խաղում վաստակել է 53 միավոր:
