Սյունեցիները փակել են Գորիս-Կապան ճանապարհը Քարահունջ գյուղի հատվածում՝ այդպիսով արտահայտելով իրենց բողոքը կառավարության կողմից նախկին փոխոստիկանապետ Հունան Պողոսյանին Սյունիքի մարզպետ նշանակելու դեմ: Ակցիայի մասնակիցները հիմնականում Գորիսի բնակիչներ են: Ճանապարհին կուտակված որոշ մեքենաների վարորդներ դժգոհություն են հայտնում ճանապարհը փակելու վերաբերյալ: Տեղում են նաեւ ոստիկանության ներկայացուցիչները: