Ռուս  ընդդիմադիր գործիչ Ալեքսանդր Նավալնին  դուրս է եկել բանտից:  Դրանից  գալուց անմիջապես հետո նա  լրագրողներին ասել է, որ  բանտում անցկացրած 50  օրերն ապացույցն էին  այն բանի, որ   ռեժիմը վերջնականապես դեգրադացվել է: « Եթե ինչ-որ  մեկին թվում է, որ նման կալանավորումներով մեզ կարող են վախեվնել,ապա  ասեմ, որ դա ամենևին էլ այդպես չէ »,- հայտարարել է ընդդիմադիր գործիչը: Այդ մասին հաղորդում է ԲԻ ԲԻ ՍԻ-ին:

Առաջին անգամ Նավալնին կալանավորվել էր 30 օրով՝ օգոստոսի 25-ին՝ գործադուլի ակցիաներ կազմակերպելու համար: Դրանք անցկացվել էին այս տարվա հունվարին : Այդ կալանավորումը ընդդիմադիր գործիչը պայմանավորել էր կենսաթոշակային փոփոխությունների դեմ ակցիաներով: Հիշեցնենք, որ օրենքը  ՌԴ նախագահ Վլադիմիր Պուտինն արդեն ստորագրել է: Դուրս գալուց հետո արդեն նրա նկատմամբ  նոր վարչական վարույթ են հարուցում՝ հասարակական միջոցառման կարգի խախտում և կալանավորում 20 օրով: Մինչ այժմ Նավալնին կալանավորվել է 6 անգամ: Նա հայտնի է ՌԴ նախագահ Պուտինի,  վարչապետ Դմիտրի Մեդվեդևի ունեցվածքի վերաբերյալ հայտարարություններով ու տվյալներ հրապարակելով: Վերջերս էլ նրա ղեկավարած կոռուպցիայի դեմ պայքարի հիմնադրամը Ռոսգվարդիային  բարձր գներով  ապրանքների մատակարարումների վերաբերյալ տվյալներ էր հրապարակել, ինչից հետո  նրա հասցեին ֆիզիկական հաշվեհարդարի  սպառնալիքներ էին հնչեցվել: Կրեմլում  հնչեցված հայտարարությունները  ֆիզիկական հաշվեհարդար չէին համարել: