ԱՄՆ պետքարտուղար Մայք Պոմպեոն Իրանին մեղադրել է Իրաքում ամերիկյան առաքելությունը ճնշելու մեջ։ Նա հայտարարել է, որ ԱՄՆ-ը դադարեցնում է Թեհրանի հետ բարեկամության պայմանագիրը։ «Իրանը սպառնալիքի աղբյուր է հանդիսանում ամերիկացիների համար՝ Իրաքում»,- ելույթ ունենալով Պետդեպարտամենտում՝ լրագրողներին ասել է Պոմպեոն։ Նա նաեւ նշել է, որ տեսնում է ԱՄՆ-ի դեմ գործողություններին աջակցող Այաթոլլայի եւ նրա կողմնակիցների ձեռքը: