ԱՄՆ-ում ձերբակալել են տղամարդուն, ով Յելոուսթոունյան ազգային պարկում կատաղության է հասցրել բիզոնին: Օրեգոն նահանգի բնակիչ Ռայմոնդ Ռեյնկեն արգելոցի ճանապարհին տեսնելով կենդանուն՝ իրեն ցլամարտիկ է երեւակայել: Բիզոնը մի քանի անգամ հարձակվում է տղամարդու վրա, ով կարողանում է խուսափել բախումից: Միջադեպի արդյունքում կողմերից ոչ մեկը չի տուժել: Ականատեսները նկարահանել են «կորիդան», տեսանյութը տարածում է գտել եւ հետաքրքրել նաեւ ոստիկանությանը: Պարզվել է, որ դա ամերիկացու կողմից օրենքի առաջին խախտումը չի եղել: Որոշ ժամանակ առաջ նրան ձերբակալել են հանրային վայրում հարբած վիճակում խախտում կատարելու համար: «Տորեադորը» ձերբակալվել է: