Մարտի 6-ին, ժամը 20:54-ին ահազանգ է ստացվել, որ հրդեհ է բռնկվել Երևան քաղաքի Կասյան փողոցի թիվ 1 հասցեում գտնվող արագ սննդի կետում: Դեպքի վայր են մեկնել երկու մարտական հաշվարկ և Աղետների բժշկության կենտրոնի  հերթապահ բժիշկը: Պարզվել է, որ հրդեհը բռնկվել է Վ. Մ.-ին պատկանող Կասյան փողոցի թիվ 1/61 հասցեում գտնվող արագ սննդի կետում (30 քմ): Հրդեհը մեկուսացվել է ժամը 21:08-ին, մարվել՝ 21:37-ին: Այրվել են կարտոֆիլի ֆրի պատրաստող ավտոմատ սարքը, ջրատաքացուցիչը և 20 գմ էլ.մալուխ, ջերմահարվել՝ դուռը և կենցաղային իրեր: