ՌԴ արտգործնախարար Սերգեյ Լավրովը և Բելառուսի արտգործնախարար Վլադիմիր Մակեյը հեռախոսով քննարկել են ՀԱՊԿ գործունեության ընթացիկ հարցերը: Այդ մասին գրում է «ՌԻԱ Նովոստի»-ն՝ վկայակոչելով ՌԴ ԱԳՆ-ին:
«Տեղի է ունեցել Ռուսաստանի Դաշնության արտգործնախարար Սերգեյ Լավրովի հեռախոսազրույցը Բելառուսի Հանրապետության արտգործնախարար Վլադիմիր Մակեի հետ: Քննարկվել են ՀԱՊԿ գործունեության ընթացիկ հարցերը»,- հայտնել է ՌԴ ԱԳՆ-ն:
Իրենց հերթին Բելառուսի ԱԳՆ-ից գործակալությանը հաստատել են հեռախոսազրույցի փաստը՝ նշելով, որ նախարարները քննարկել են երկկողմ օրակարգի հարցեր և ՀԱՊԿ գլխավոր քարտուղար Յուրի Խաչատուրովի շուրջ ստեղծված իրավիճակը:
Ավելի վաղ Ռուսաստանի Դաշնության արտգործնախարարությունը հայտարարել է, որ ՀԱՊԿ գործընթացի կանոնների համաձայն՝ հենց հայկական կողմը պետք է պաշտոնապես նախաձեռնի Գլխավոր քարտուղարի պաշտոնից իր քաղաքացու հետկանչումը, եթե Երևանում դրա վերաբերյալ արդեն պաշտոնական որոշումը կայացվել է:
Հիշեցնենք, որ ՀԱՊԿ գլխավոր քարտուղար Յուրի Խաչատուրովին մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը:
00:00:00
