Այսօր լրագրողների հետ հանդիպման ժամանակ ՀՀ վարչապետ Նիկոլ Փաշինյանը որոշ պարազաբանումներ է ներկայացրել իր կադրային քաղաքականության վերաբերյալ: Նա մասնավորապես նշել է, որ իր ղեկավարած նոր կառավարությունում գործում են երեք խումբ մարդիկ՝ առաջին խմբում նոր մարդիկ են, երկրորդ խմբում՝ հին մարդիկ և երրորդ խումբն այն մարդիկ են, ովքեր լինելով հին ժամանակներում աշխատած, փոխել են իրենց կարգավիճակը նոր ժամանակներում: «Մենք պետք է արձանագրենք, որ այս իրավիճակում  անխուսափելի է ադապտացիայի շրջանը: Այս իրավիճակը նոր է բոլոր խումբ կադրերի համար, և կառավարության, իմ վարած քաղաքականության ամենակարևոր խնդիրը, որ լուծել ենք կադրային իմաստով, եղել է հեղափոխության անցնցում հաղթանակը ֆիքսելը: Տեղի է ունենում ադապտացիայի շրջան, որի ընթացքում լինելու են մարդիկ, որոնք հարմարվելու են իրավիճակին, լինելու են մարդիկ ովքեր չեն հարմարվելու իրավիճակին: Սա անխուսափելի է, որովհետև այն ինչ տեղի է ունեցել Հայաստանում, շարքային փոփոխություն չէ: Դա նպատակների, ազգային, ներպետական ամբիցիաների փոփոխություն է», -հայտարարեց Փաշինյանը: https://www.youtube.com/watch?v=d2-Snf6rBNE&feature=youtu.be