Հայաստանում Ֆրանսիայի դեսպանատունը հերքում է ադրբեջանական լրատվամիջոցների տարածած տեղեկատվությունը: Նշենք, որ ադրբեջանական լրատվամիջոցները տեղեկություն էին տարածել, որ Փարիզի կողմից Ադրբեջանին զենք վաճառելու արգելքը վերացվել է: «Այդ տեղեկատվությունն իրականությանը չի համապատասխանում»,-- այս մասին տեղեկացնում է ՀՀ-ում Ֆրանսիայի դեսպանատունը: Հայաստանի պաշտպանության նախարարի մամուլի խոսնակ Արծրուն Հովհաննիսյանն էլ ավելի վաղ մեզ հետ զրույցում հայտնել էր, որ հայկական կողմը պարզում է այդ տեղեկատվության իսկությունը: