Թբիլիսիում այս գիշեր զինված հարձակում է տեղի ունեցել երկրի նախագահ Գեորգի Մարգվելաշվիլիի փեսայի՝ Մինդիյա Գոգոչուրիի դեմ, ինչի հետևանքով նրան հոսպիտալացրել են՝ հրազենային վնասվածքներով:
RIA-ի փոխանցմամբ, Վրաստանի ՆԳ նախարարությունից հայտնել են, որ հրազենային կրակոցների գործով հետաքննություն է սկսվել, իսկ Գոգոչուրիին վիրահատում են:
Գոգոչուրին նախկինում մի քանի անգամ արդեն հայտնվել է րատվամիջոցների ու իրավապահ մարմինների ուշադրության կենտրոնում: Ի դեպ, նա Վրաստանի առաջին տիկնոջ՝ առաջին ամուսնությունից ծնված դստեր քաղաքացիական ամուսինն է:
Վրաստանի նախագահի փեսան ուշադրության կենտրոնում էր հայտնվել 2017թվականի սկզբին էլ, երբ նա ու իր ընկերը հրազենային վիրավորում էին ստացել Թբիլիսիի կենտրոնում:
Գոգոչուրիի բնակարանը մի քանի անգամ խուզարկել են՝ զենքի ապօրինի ձեռքբերման, պահման ու կրման գործի շրջանակներում:
00:00:00
