Այսօր՝ հուլիսի 5-ին, ԵԿՄ վարչության փոխնախագահների, ԵԿՄ մարզային խորհուրդների, Երևանի և մարզերի տարածքային բաժանմունքների նախագահների, վարչության անդամների մասնակցությամբ տեղի ունեցավ ԵԿՄ ակտիվի նիստ:
Նիստին մասնակցող ավելի քան 200 երկրապահներ հավաքվել էին քննարկելու ԵԿՄ-ում ստեղծված իրավիճակը, ինչպես նաև դիտարկելու միության կառուցվածքի վերաբերյալ առաջարկները, ԵԿՄ առաջիկա վարչության նիստի և արտահերթ համագումարի հետ կապված հարցերը:
Վարչության փոխնախագահներ Արա Կետիկյանը, Ղուկաս Ուլիխանյանը և Համլետ Հայրապետյանը, ի մի բերելով մարզային խորհուրդներից, տարածքային բաժանմունքներից ԵԿՄ անդամներից ստացված առաջարկությունները, վարչության նախագահի պաշտոնում ներկայացրեցին ԵԿՄ անդամ, ԱԺ պատգամավոր, «Հանրապետություն» կուսակցության նախագահ Արամ Զավենի Սարգսյանի թեկնածությունը:
«Ինձ համար մեծ պատիվ է այս պաշտոնում առաջադրվելը: Ես իրավունք չունեմ չհամաձայնելու, իրավունք չունեմ հետամուտ չլինելու այն խնդիրներին, որոնք այսօր առկա են այն սերնդի մոտ, որ 90-ականներին փառքով տարավ պատերազմական ծանր լուծը ՝ պաշտպանելով Արցախը: Ես շատ շնորհակալ եմ ձեզնից, որ ունենալով ձեր մեջ փառավոր մարտական ուղի անցած տղաներ, նախընտրում եք ինձ», - իր ելույթում ասաց Արամ Սարգսյանը, ով նաև պատրաստակամություն հայտնեց ստանձնելու Երկրապահի դերը որպես մեր պետականության կայացման, հայրենիքի պաշտպանության և բանակաշինության գործում հանրությանը իրապես ներկայացնելու գործը:
Ընդլայնված նիստում քննարկվեց նաև ԵԿՄարտահերթ համագումար հրավիրելու հարցը: Արամ Սարգսյանն առաջարկեց համագումարը հրավիրել սեպտեմբերին: Որոշվեց ստեղծել աշխատանքային խումբ ԵԿՄ փոխնախագահների և մարզային խորհուրդների նախագահների ղեկավարությամբ, որը կզբաղվի առաջիկա վարչության նիստի և համագումարի նախապատրաստական աշխատանքների կազմակերպմամբ: Քննարկվեցին նաև ընթացիկ այլ հարցեր:
Ակտիվի նիստին ներկա էին ԵԿՄ հետևյալ բաժանմունքները.
| Արմավիրի մարզ | Արարատի մարզ |
| Արմավիր | Արարատ |
| Մեծամոր | Մասիս |
| Բաղրամյան | Արտաշատ |
| Էջմիածին | |
| Արագածոտնի մարզ | Լոռու մարզ |
| Ապարան | Վանաձոր |
| Աշտարակ | Թումանյան |
| Արագածավան | Ստեփանավան |
| Թալին | Տաշիր |
| Արագած | Ալավերդի |
| Կոտայքի մարզ | Շիրակի մարզ |
| Հրազդան | Գյումրի |
| Չարենցավան | Անի |
| Բյուրեղավան | Ախուրյան |
| Հաճն | Արթիկ |
| Եղվարդ | Վայոց Ձորի մարզ |
| Աբովյան Քասախ Գառնի | Վայք |
| Գեղարքունիքի մարզ | Տավուշի մարզ |
| Սևան Գավառ Մարտունի Վարդենիկ Վարդենիս Ճամբարակ Դրախտիկ | Դիլիջան Իջևան Նոյեմբերյան Տավուշ Սյունիքի մարզ Մեղրի |
