Աշխարհասփյուռ հայությունը շարունակում է իր համախմբված աջակցությունը հայտնել Գագիկ Ծառուկյանին, այս մասին հայտնել է Ծառուկյանի մամուլի խոսնակ Իվետա Տոնոյանը։
«Այս անգամ՝ օվկիանոսից այն կողմ՝ հայաշատ Լոս Անջելեսում, տեղի է ունեցել բազմամարդ հանդիպում՝ ի զորակցություն Գագիկ Ծառուկյանի և նրա ընտանիքի։
Արվեստի, մշակույթի, սպորտի, հասարակական և քաղաքական ոլորտների բազմաթիվ ներկայացուցիչներ անդրադարձել են Ծառուկյանի շուրջ տեղի ունեցող գործընթացներին՝ արտահայտելով իրենց արդարացի վրդովմունքը, բայց միևնույն ժամանակ հույս հայտնելով, որ արդարությունը կվերականգնվի»,- նշել է Տոնոյանը։
