ԱՄՆ նախագահ Դոնալդ Թրամփը խոստովանել է, որ Պարսից ծոցի երկրները դեմ են հանդես եկել Հորմուզի նեղուցում նավագնացության համար վճար սահմանելու իր ծրագրին։
«Ես կարծում էի՝ դա լավ միտք է»,- այս առնչությամբ ասել է Թրամփը՝ Իրաքի վարչապետ Ալի ազ Զեյդիի հետ ասուլիսի ժամանակ պատասխանելով լրագրողներից մեկի հարցին՝ վերաբերող իր առաջարկած «նախաձեռնությանը»՝ Հորմուզի նեղուցում «նավագնացության անվտանգությունն ապահովելու դիմաց» փոխադրվող բեռների արժեքի 20%-ի չափով վճար գանձելու մասին։
Թրամփը հավելել է, որ Պարսից ծոցի երկրների ղեկավարները կապ են հաստատել իր հետ և դեմ արտահայտվել դրան։
Այսօր ավելի վաղ Թրամփը մեկ այլ հայտարարություն է արել՝ ասելով, որ հրաժարվում է Հորմուզի նեղուցով նավարկության համար վճար գանձելու՝ «ԱՄՆ-ի համար 20 տոկոսի չափով փոխհատուցման վճարի» գաղափարից։
