ԱՄՆ նախագահ Դոնալդ Թրամփը հաստատել է ԱՄՆ-ի և Իրանի միջև փոխըմբռնման հուշագրի ստորագրումը։
«Այո՛, այն ստորագրված է։ Ես այն ստորագրել եմ Վերսալում։ Ես հենց նոր ստորագրել եմ», - ՏԱՍՍ-ի հաղորդմամբ, ասել է ԱՄՆ առաջնորդը Վերսալի պալատում Ֆրանսիայի նախագահ Էմանուել Մակրոնի հետ հանդիպումից հետո։
Իրանի արտաքին գործերի նախարարության խոսնակ Էսմայիլ Բաղային նույնպես հաստատել է, որ ԱՄՆ-ն և Իրանը ստորագրել են փոխըմբռնման հուշագիր, և դրա տեքստը պաշտոնապես համաձայնեցված է։
Հուշագիրը ստորագրվել է էլեկտրոնային եղանակով և ուժի մեջ է մտել։
Axios-ը նախկինում հաղորդել էր, որ Թրամփը հուշագրի պատճենը ստորագրել է Վերսալի պալատում Մակրոնի հետ ընթրիքի ժամանակ։ Պորտալի տվյալներով՝ ստորագրված փաստաթղթի լուսանկարն ուղարկվել է իրանցիներին և միջնորդ երկրներին։ NewsNation-ը, հղում անելով ԱՄՆ պաշտոնյային, նաև հաղորդել է, որ Իրանի նախագահ Մասուդ Փեզեշքիանը ստորագրել է հուշագիրը։
Իրանագետ Վարդան Ոսկանյանը գրում է. «Իրանական ԶԼՄ-ները տարածել են ԱՄՆ-ի և Իրանի միջև պատերազմի դադարեցման հուշագրի՝ նախագահ Փեզեշքիանի կողմից հեռավար ստորագրության լուսանկարներ։
Մինչև հուշագրի կետերին անդրադառնալը, որոնցում, ըստ էության, արձանագրվել է նաև Հորմուզի նեղուցի իրանական փաստացի կառավարումը, ուշագրավ է նշել, որ դրանում պաշտոնապես օգտագործվել է նաև «Պարսից ծոց» աշխարհագրական անվանումը, այն դեպքում, երբ ԱՄՆ-ում սովորաբար պաշտոնապես այն կոչում էին «Ծոց»:
Հետաքրքրական է նաև, որ Իրանի պահանջով հուշագիրը կազմվել է ոչ միայն անգլերենով, այլ նաև այդ երկրի պաշտոնական լեզու պարսկերենով։
Նման ուշադրությունը սեփական լեզվի և տեղանունների հանդեպ, անշուշտ, արժանի է առանձին հարգանքի»։
