ArmLur.am-ը գրում է, որ «88» սուպերմարկետների սեփականատեր Նարեկ Նալբանդյանին պատկանող՝ Ծաղկաձորի հյուրանոցում 36-ամյա տղամարդը փորձել է նռնակը պայթեցնել, սակայն նրան չի հաջողվել այն իրականացնել, որից հետո ինքնավնասում է արել և հյուրանոցի 4-րդ հարկից ցած նետվել։
Shamshyan.com-ը հայտնել էր, որ ապրիլի 24-ին առեղծվածային մահվան դեպք է տեղի ունեցել Կոտայքի մարզում։ Ժամը 10։00-ի սահմաններում օպերատիվ տեղեկություններ են ստացվել, որ Ծաղկաձոր քաղաքում հայտնի «Էյթի Էյթ Հոթել ընդ Սպա» հյուրանոցային համալիրի բակում դի կա։ Իրավապահները պարզել են, որ մահացածը Վայոց ձորի մարզի բնակիչ 35-ամյա Աշոտ Խ․-ն է։
