«Իրավունք» թերթը գրում է. «Նիկոլ Փաշինյանի նախկին կողակից Աննա Հակոբյանը մտերիմ շրջապատում անկեղծացել եւ հորդորել է, որ չնայած իրենց բաժանմանը, ինքը միանշանակ Փաշինյանի վերընտրվելուն է կողմ ու նույնը խորհուրդ է տալիս իր շրջապատին. «Մեր հարաբերությունները թող չազդեն վարչապետի նկատմամբ Ձեր վերաբերմունքի փոփոխությանը: Ինքս էլ իրացնելու եմ իմ քաղաքացիական պարտքը եւ իմ ձայնը միանշանակ տալու եմ գործող վարչապետին»,- այսկերպ է արտահայտվել Աննա Հակոբյանը մտերիմների մոտ։
Իսկ ահա իշխանական համակարգին մոտ կանգնած աղբյուրը, մեկնաբանելով այս լուրը, ասաց. «Աննան, իհարկե, Փաշինյանին ձայն կտա, հասկանալով, որ նրա պաշտոնանկության դեպքում իրեն եւս կոնկրետ հարցեր են տրվելու, որոնց դժվար թե կարողանա պատասխանել: Ու ոչ միայն ֆինանսական հարցերի հետ կապված, այլ շատ ավելի լուրջ, այդ թվում` պատերազմական ժամանակաշրջանի: Բայց չեմ կարծում, որ իրականում էլ Աննան Փաշինյանին ձայն կտա. որքան գիտեմ, նա ընտրությունների վերջին փուլում Հայաստանում չի լինելու` սպասելով արդյունքներին»:
