ՀԱԿ փոխնախագահ Լևոն Զուրաբյանը բացատրել է, թե ինչու Փաշինյանը չի կարողանում գտնել Քի Ուեսթի վերաբերյալ փաստաթուղթը։
Հիշեցնենք, որ Հայաստանի կառավարությունը վերջերս որոշ փաստաթղթեր է հրապարակել Լեռնային Ղարաբաղի հակամարտության կարգավորման վերաբերյալ։ Մասնագետները նշում են, որ փաստաթուղթը դեռևս ամբողջական չէ։ Ի թիվս այլ բաների, այն որևէ տեղեկատվություն չի պարունակում Քի Ուեսթի բանակցությունների վերաբերյալ։
«Ինչո՞ւ չեն կարողանում գտնել Քի Ուեսթի փաստաթղթերը։ Դա այն էր, ինչը դիվանագիտական լեզվով կոչվում է «Non-paper»։ Փաստաթուղթ, որը պաշտոնական կարգավիճակ չունի», - բացատրել է Լևոն Զուրաբյանը։ Նա հավելել է, որ ամերիկացիները կազմել են աշխատանքային փաստաթուղթ՝ հիմնվելով Հեյդար Ալիևի և Ռոբերտ Քոչարյանի հետ ունեցած իրենց զրույցների վրա։
«Դա ԵԱՀԿ Մինսկի խմբի պաշտոնական առաջարկ չի եղել։ Բայց նրանք (Փաշինյանի թիմը) նույնիսկ դա չգիտեն. վստահ եմ, որ նրանք երբեք էլ չեն լսել դրա մասին։ Նրանք դիվանագիտությունից ոչինչ չեն հասկանում, ուստի հեշտությամբ ենթարկվում են ազդեցության և մանիպուլյացիայի», - նշել է Զուրաբյանը։
