ԱՄՆ կառավարության արդյունավետության դեպարտամենտը (DOGE), որը գլխավորում էր բազմամիլիարդատեր Էլոն Մասկը, ժամկետից շուտ լուծարվել է։ Լուծարման մասին հայտարարել է ԱՄՆ անձնակազմի կառավարման գրասենյակի տնօրեն Սքոթ Կուպորը, կիրակի՝ նոյեմբերի 23-ին հաղորդել է Reuters-ը։

«Այն գոյություն չունի»,- ասել է պաշտոնյան։ Ըստ Կուպորի՝ դեպարտամենտն այլևս «կենտրոնացված կառույց» չէ։ Այլևս (պաշտոնբյաների հաստիքների)  կրճատման նպատակներ չկան»,- հավելել է նա։

DOGE-ի, որի աշխատանքը պետք է ավարտվեր 2026 թվականի հուլիսին, լուծարման մասին ԱՄՆ իշխանությունները պաշտոնապես չեն հայտարարել:

Reuters-ի տվյալներով՝ DOGE-ի շատ գործառույթներ փոխանցվել են անձնակազմի կառավարման գրասենյակին, իսկ DOGE-ի նախկին աշխատակիցներից ոմանք տեղափոխվել են վարչակազմի այլ պաշտոնների։ Օրինակ՝ Airbnb-ի համահիմնադիր Ջո Գեբբիան այժմ կենտրոնացած է կառավարության կայքերի նկարագրի բարելավման վրա։ Ջերեմի Լևինը, որը նպաստել է ԱՄՆ միջազգային զարգացման գործակալության (USAID) լուծարմանը, այժմ Պետքարտուղարությունում համակարգում է արտաքին օգնությունը։

Ապրիլի վերջին Իլոն Մասկը հայտարարել, որ զգալիորեն ավելի քիչ ժամանակ կանցկացնի DOGE-ը ղեկավարելու և Tesla-ի վրա կենտրոնանալու վրա։ Մեկ ամիս անց նա հայտարարեց, որ ԱՄՆ վարչակազմում իր ժամկետն ավարտվում է։ Դոնալդ Թրամփը Մասկին որպես հրաժեշտի նվեր ոսկե բանալի նվիրեց։