ՔՊ-ական Ռոմանոս Պետրոսյանն այսօր մասնակցելու է Թալինում Տեր Թադեի կողմից մատուցվող պատարագին։
Լրագրողների հետ զրույցում նա հայտարարեց, թե իրենք եկեղեցու դեմ արշավ չեն հայտարարել։
«Կան հոգևորականներ, ովքեր քաղաքական գործունեությամբ են զբաղվում ու արժանանում են համապատասխան վերաբերմունքի»,- ասաց նա։
Պետրոսյանն ասաց, թե երբ հանրությունը որոշեց, որ Ամենայն հայոց կաթողիկոսը պետք է հեռանա, կաթողիկոսը, վստահ է, կհեռանա։
«Իսկ թե ինչպես՝ ես վստահեցնում եմ, որ կլինի իրավական, բարոյական, համակեցության կանոններին խիստ համահունչ, ինչպիսին է մեր կառավարումը վերջին 7.5 տարիներին»,- ասաց նա։
Երբ լրագրողները նրան հիշեցրեցին, որ այսօր 44-օրյա պատերազմի գործողությունների ավարտի օրն է, բայց Եռաբլուրում ՔՊ-ական որևէ բարձրաստիճան պաշտոնյա չկար՝ Պետրոսյանն ասաց, թե գլուխ է խոնարհում զոհերի հիշատակի առջև։
«Մնացած մասով որևէ մեկնաբանություն չեմ կարող տալ»,- ընդգծեց նա։
