Ավելի քան երկու ժամ տևած քննարկման ընթացքում ներկայացվեցին երկու շարժումների գաղափարական հիմքերն ու տեսլականները։ Հանդիպման մասնակիցները շոշափեցին Հայաստանի՝ հատկապես Սյունիքի առջև ծառացած ներկա խնդիրներն ու մարտահրավերները՝ անդրադառնալով այն հարցին, թե ինչպիսի քաղաքականություն պետք է իրականացնի Հայաստանի իշխանությունը, որպեսզի հնարավոր լինի հաղթահարել այս դժվարությունները։ Քննարկվեց միասնականության անհրաժեշտությունը, պետության պահպանումն ու ամրապնդումը, բանակի հզորացումը, ինչպես նաև ուժեղ տնտեսության և արդար հասարակության կառուցման ուղիները։

 

Հատուկ ուշադրություն դարձվեց օգոստոսի 8-ին Վաշինգտոնում ստորագրված Հռչակագրին, որով Հայաստանի Հանրապետության տարածքում նախատեսվում է կյանքի կոչել «Թրամփի ուղի՝ հանուն միջազգային խաղաղության և բարգավաճման» (Trump Route for International Peace and Prosperity — TRIPP) հաղորդակցության ծրագիրը։

Հանդիպման ավարտին երկու շարժումների ղեկավարները պատասխանեցին մասնակիցների բարձրացրած հարցերին։