ՀՀ ԲՏԱ նախարարությունը և արհեստական բանականության մեջ Եվրոպայի առաջատար Mistral AI ընկերությունը միավորում են ուժերը՝ խթանելու ԱԲ-ի զարգացումը Հայաստանում։ Այդ մասին ասված է ԲՏԱ նախարար Մխիթար Հայրապետյանի Ֆեյսբուքի էջում։
«Տպավորիչ է տեսնել, թե ինչպես ֆրանսիական Mistral AI-ը կարճ ժամանակում դարձավ Լյուքսեմբուրգի կառավարության, Ֆրանսիայի զինված ուժերի նախարարության, Սինգապուրի պաշտպանության նախարարության և այլ առաջատար հաստատությունների վստահելի գործընկերը: Մենք հպարտ ենք, որ Հայաստանը նույնպես միանում է այս զարգացող համաշխարհային շարժմանը։
Մեր գործընկերության նպատակն է վերափոխել հանրային ծառայությունները և ազգային նորարարությունները։
Այս համագործակցությունը կհզորացնի Հայաստանի տեղական ԱԲ էկոհամակարգը՝ հնարավորություն ընձեռելով մեր հետազոտողներին, ստարտափներին մշակելու ինքնուրույն, մրցունակ տեխնոլոգիական լուծումներ Հայաստանի և ամբողջ աշխարհի համար»։
