Հնարավոր հեղաշրջման փորձի հետ կապված իրավիճակը Հայաստանի ներքին հարց է, Ռուսաստանը շահագրգռված է հարևան հանրապետությունում կայունության պահպանմամբ, հայտարարել է Ռուսաստանի նախագահի մամուլի քարտուղար Դմիտրի Պեսկովը: Այս մասին հայտնել է «Ինտերֆաքս»-ը:
«Սա, անկասկած, Հայաստանի ներքին գործն է»,– ասել է Պեսկովը։
Նրա խոսքով՝ Ռուսաստանը շահագրգռված է Հայաստանում «կարգուկանոնի» պահպանմամբ․ «Որպեսզի Հայաստանը լինի բարգավաճ, կայուն երկիր, Ռուսաստանին բարեկամ»:
Ավելի վաղ ՀՀ վարչապետ Նիկոլ Փաշինյանը հայտարարել էր, որ հանրապետության իրավապահ մարմինները կանխել են իշխանության բռնի զավթման հնարավոր փորձ, որը ծրագրել էին ընդդիմադիր «Սրբազան պայքար» շարժման մասնակիցները։
