Մեր քաղաքական ամոթն այն է, որ գալով իշխանության՝ ապրել ու մտածել ենք նույն տրամաբանության շրջանակում եւ հավատացել ու վստահել ենք ԼՂ հարցում 30 տարի գոյություն ունեցող տրամաբանությանը։ Այս մասին մայիսի 8-ին լրագրողների հետ զրույցում ասել է խորհրդարանի նախագահ Ալեն Սիմոնյանը։
Նրա խոսքով՝ տրամաբանությունն այն է, որ կարող ես «զանգել ռուսներին, նրանք կդադարեցնեն պատերազմը»: «Սա մեր ամոթն է, մենք կարծում էինք, որ եթե այս համակարգն աշխատի, ավելի լավ է չկպչենք դրան, բայց պատերազմը գցեցին մեր գրպանն ու գնացին։ Այո, ամոթ է, որ թույլ տվեցինք, որ պատերազմը, պատրանքն ու սուտը գցեն մեր գրպանն ու հեռանան»,- նշել է Սիմոնյանը։
