Մարտի 30-ի ՏԻՄ ընտրությունները կազմակերպած թիվ 14 և 31 ԸԸՀ-ները ապրիլի 14-ի նիստերում կգրանցեն Փարաքար և Գյումրի համայնքների ընտրված ավագանիներին: ԸԸՀ նիստերը հեռարձակվում են ԿԸՀ կայքով:
Այս մասին հայտնում են Կենտրոնական ընտրական հանձնաժողովից՝ հավելելով, որ ՀՀ կենտրոնական ընտրական հանձնաժողովն իր կազմավորման 30-ամյակին՝ 2025 թվականի ապրիլի 10-ին, հաստատել է ԿԸՀ 2025-2028 թվականների զարգացման ռազմավարական պլանը։
Անկախ Հայաստանի առաջին ԿԸՀ կազմավորելու կարգը սահմանվել է 1995 թվականի մարտի 31-ին ՀՀ Գերագույն խորհրդի կողմից ընդունված և ապրիլի 5-ին ուժի մեջ մտած «Հայաստանի Հանրապետության Ազգային ժողովի պատգամավորների ընտրությունների մասին» օրենքի հիման վրա։
Ռազմավարական պլանի հաստատումից հետո ԿԸՀ-ն կազմակերպել է հանդիսավոր ընդունելություն, որին հրավիրված են եղել ԿԸՀ նախկին անդամներ։
