ՌԴ-ն կոչ է անում Հայաստանին եւ Ադրբեջանին թույլ չտալ թեժացման քայլեր սահմանին։ Այս մասին ամենշաբաթյա ճեպազրույցում հայտնել է ՌԴ ԱԳՆ պաշտոնական ներկայացուցիչ Մարիա Զախարովան։
Նա ընդգծել է, որ Ռուսաստանը հետեւում է իրավիճակին հայ-ադրբեջանական սահմանին․
«Հաստատում ենք մեր կոչը Բաքվին եւ Երեւանին՝ ցուցաբերելու զսպվածություն, ձեռնարկելու լարվածության թուլացման քայլեր, խուսափելու ցանկացած գործողություններից, որոնք կարող են հանգեցնել իրավիճակի վատացման»։
