ԱՄՆ-ում անհայտ անձը կրակ է բացել Սպիտակ տան մոտակայքում: Այս մասին հաղորդվում է ԱՄՆ գաղտնի ծառայության թվիթերյան էջում: «Գաղտնի ծառայության աշխատակիցները վերլուծում են միջադեպը, որի ժամանակ անհայտ տղամարդը ատրճանակից վիրավորել է ինքն իրեն Սպիտակ տան հյուսիսային ցանկապատի մոտ», – ասվում է գերատեսչության հաղորդագրության մեջ: Վիրավոր տղամարդուն օգնություն է ցույց տվել բուժանձնակազմը: Սպիտակ տան մոտակայքում երթևեկությունը սահմանափակվել է: