Մոսկվայում ձնաբքերի պատճառով հետաձգվել են տասնյակ չվերթներ, այդ թվում՝ դեպի Երեւան երկու չվերթները։ «Զվարթնոց» օդանավակայանի էլեկտրոնային չվացուցակի համաձայն, հետաձգվել են «Աէրոֆլոտ» ավիաընկերության SU 1858 եւ SU 1860 Մոսկվայից Երեւան չվերթները։
Վերջին տվյալների համաձայն, Մոսկվայում հետաձգված կամ չեղարկված չվերթների թիվը հասել է 53-ի։ Վնուկովո օդանավակայանում հետաձգվել է 3, չեղարկվել 2 չվերթ, «Դոմոդեդովոյում» հետաձգվել եւ չեղարկվել է 23, «Շերեմետեւոյում՝ 25 չվերթ։
Մոսկվայում մոլեգնող ձնաբքերը ամենաուժգինն են մարտի համար վերջին 68 տարվա ընթացքում։
