Հենրիկ Կայլան Գոմես դե Սաուզան, Ռոլինսոն Էրդմանն ու Իսաակ Վիդալը համալրել են «Նոա-2»-ի կազմը։
21-ամյա Կայլան Գոմես դե Սաուզան նախորդ մրցաշրջանն անցկացրել է Արաբական Միացյալ Էմիրությունների «Դաիդ»-ում, որի կազմում անցկացրել է 16 խաղ։ Պաշտպանը խաղացել է «Պալմեյրաս»-ի, «Վասկո Դա Գամա»-ի, «Սան Պաուլու»-ի տարբեր տարիքային թիմերում։
19-ամյա կիսապաշտպան Ռոլինսոնը մինչև Երևան տեղափոխվելը 5 տարի խաղացել է բրազիլական «Վոլտա Ռեդոնդա»-ի երիտասարդական թիմում, իսկ Իսաակ Վիդալի նախորդ թիմը եղել է անգոլական «Ինտերկլուբ»-ը։
