Թուրքիայի նախագահ Ռեջեփ Թայիփ Էրդողանն Աստանայում Թյուքական պետությունների կազմակերպության 10-րդ գագաթնաժողովում ունեցած ելույթում անդրադարձել է նաև Հայաստան-Ադրբեջան հարաբերություններին։
«Համաշխարհային մարտահրավերների դեմ մեր պայքարում մեր ամենակարևոր ուժը Թյուքական աշխարհի միասնությունը, համախմբվածությունը և համերաշխությունն է։ Այս ճշմարտությունը տեսել և շարունակում ենք տեսնել վերջերս հանդիպած բազում իրադարձություններում»,- ermenihaber-ի փոխանցմամբ, ասել է Էրդողանը։
Անդրադառնալով Ադրբեջանի կողմից Արցախի դեմ սանձազերծված ագրեսիային և դրա շուրջ վերջին զարգացումներին, Էրդողանը հայտնել է, որ այդ գործողությունները ուրախություն են պատճառում իրենց։
«Այպիսով մենք մեկ քայլ ավելի մոտ ենք տարածաշրջանում մնայուն խաղաղությանը և մեր ամենամեծ ցանկությունն է, որ գնահատվի բացվող հնարավարության պատուհանը։ Կարևոր է, որ Հայաստանը կատարի Ադրբեջանի նկատմամբ ստանձնած պարտավորությունները»,- նշել է Էրդողանը։
Թուրքիայի նախագահի խոսքով, մեծ կարևորություն ունի Ադրբեջանի «արևմտյան շրջանների» և Նախիջևանի միջև կապը տրանսպորտային ուղղով կյանքի կոչելը։ Նրա պնդմամբ, այդ ուղղու բացումը լրջորեն կնպաստի տարածաշրջանի երկրների բարօրությանը, իսկ Թուրքիան էլ կկապի Կենտրոնական Ասիային՝ «պապենական հայրենիքին» և այս գործընթացը հաջող ավարտին հասցնելու համար՝ որպես թյուրքական աշխարհ պետք է շարունակվի աջակցությունը Ադրբեջանին։
