Ադրբեջանի փոխարտգործնախարար Էլնուր Մամեդովը՝ ելույթ ունենալով Միջազգային դատարանում Հայաստանի դեմ Ադրբեջանի բողոքի քննության ժամանակ հայտարարել է, որ «2023 թվականի սեպտեմբերի 20-ին՝ «Հայաստանի կողմից 30 տարվա ապօրինիռազմական օկուպացիայից հետո» Ադրբեջանը լիովին վերականգնեց իր ինքնիշխանությունը միջազգայնորեն ճանաչված տարածքների նկատմամբ»։

Այս մասին հաղորդում են ադրբեջանական լրատվամիջոցները։

«Ավելի կարևոր է, որ դրանք չեն արտացոլում ՄԱԿ-ի երկու առաքելությունների դիտարկման արդյունքները և եզրակացությունները, որոնց Ադրբեջանը թույլ է տվել մուտք գործել Ղարաբաղ ։

Ավելի քան 30 տարվա ընթացքում առաջին անգամ տարածաշրջան է այցելել Միջազգային առաքելությունը։ Դրանք չեն արտացոլում միջազգային անկախ լրատվամիջոցների ներկայացուցիչների ռեպորտաժները, որոնք եղել են այնտեղ և տեսել են այդ տարածքը ։

Ադրբեջանը երբեք «չի իրականացրել և չի իրականացնելու էթնիկ զտումներ կամ որևէ հարձակում Ղարաբաղի խաղաղ բնակչության վրա»:

Ադրբեջանը լուրջ երաշխիքներ է տվել սեպտեմբերի 19-ից հետո», - ընդգծել է Էլնուր Մամեդովը ։

Էլնուր Մամեդովը նշել է նաև, որ կողմերի հաջորդ հանդիպումը նախատեսվում է անցկացնելայս ամսվա վերջին Բրյուսելում՝ Եվրամիության հովանու ներքո։

Նա ասել է, որ հանդիպմանը քննարկվելու է երկրների տարածքային ամբողջականության և ինքնիշխանության փոխադարձ հարգանքը, ինչպես նաև հակամարտության սկզբից «ներքին տեղահանված ադրբեջանցիների և հայերի վերադարձի պայմանները»:

Ադրբեջանի փոխարտգործնախարարը հայտարարել է, որ «Ղարաբաղի հայ բնակիչները Ադրբեջանի քաղաքացիներ են, և Ադրբեջանը կոչ է անում նրանց վերադառնալ Ղարաբաղում գտնվող իրենց տները», հաղորդում է ԱՊԱ-ն:

Մամեդովը Հաագայի դատարանում խոսել է Ղարաբաղի «հայ բնակիչների վերաինտեգրման մասին»: 

Նա նաև հիշեցրել է, որ Ադրբեջանը ցանկանում է պահպանել իր բազմազգ հասարակությունը, որտեղ խաղաղ ապրում են էթնիկ հայերն ու ադրբեջանցիները։