Ռուսաստանի նախագահ Վլադիմիր Պուտինը ժամանել է Ղրղըզստան։ 

Նա այսօր աշխատանքային օրը կսկսի Ղրղըզստանի նախագահ Սադիր Ժապարովի հետ պաշտոնական հանդիպմամբ, ապա կողմերը երկկողմ փաստաթղթեր կստորագրեն ու մամուլի համար հայտարարություն կանեն։

Այսօր նախատեսված են նաև Պուտինի բանակցությունները Ադրբեջանի նախագահ Իլհամ Ալիևի հետ։ Ռուսաստանի նախագահն առանձին հանդիպում կունենա նաև Տաջիկստանի նախագահ Էմոմալի Ռահմոնի հետ։

Հիշեցնենք` վաղը Բիշքեկում կկայանա ԱՊՀ պետությունների ղեկավարների խորհրդի նիստը, որը կանցկացվի նեղ և ընդլայնված կազմով։ Ակնկալվում է, որ առաջնորդները համատեղ փաստաթղթեր կստորգրեն։

Վարչապետ Նիկոլ Փաշինյանը չի մասնակցի այդ նիստին։