Ադրբեջանի և Նախիջևանի միջև կապը կիրականացվի Իրանի տարածքով։ Այս մասին հայտարարել է Ադրբեջանի փոխվարչապետ Շահին Մուստաֆաևը Ադրբեջանի և Իրանի միջև ճանապարհային կամրջի հիմնարկեքի արարողության ժամանակ։
«Կամուրջների միջոցով կապ կստեղծվի Իրանի տարածքով։ Ձեռք բերվեց փոխադարձ պայմանավորվածություն և մշակվեց կամրջի նախագիծը։
Նախատեսվում է ստեղծել մաքսային անցակետերի ենթակառուցվածք։ Այս ճանապարհը սպասարկելու է նաև տարանցիկ բեռնափոխադրումներ։ Արդյունքում տարածաշրջանը կդառնա լոգիստիկ կենտրոն։ Բացի մայրուղուց, այս հատվածում նախատեսվում է կառուցել երկաթուղային կամուրջ։ Ամբողջ ենթակառուցվածքը կիրականացվի մեկ տարվա ընթացքում», - նշել է Ադրբեջանի փոխվարչապետը։
