Արցախում ականի պայթյունից 2 ադրբեջանցի զինծառայող է մահացել, մեկը վիրավորվել է, գրում են ադրբեջանական ԶԼՄ-ները։
«Սեպտեմբերի 24-ին` ժամը 17:35-ի սահմանում, ականի վրա պայթել է ադրբեջանական բանակին պատկանող «ԿամԱԶ» մակնիշի զինվորական ավտոմեքենա։ Հակատանկային ականի պայթյունի հետևանքով՝ զոհվել են ադրբեջանական բանակի զինծառայողներ Աքրամ Շադմանովը և Թուրալ Սեիդովը։ Մեկ այլ զինծառայող՝ Էլվին Ալիևը, ստացել է տարբեր ծանրության մարմնական վնասվածքներ», - ասվում է հաղորդագրության մեջ։
