ԼՂ-ի շուրջ բազմաթիվ ակնկալիքներ կապված էին Ֆրանսիայի և անձամբ Մակրոնի միջնորդության հետ, նշել է ՌԴ ԱԳՆ ներկայացուցիչ Մարիա Զախարովան հարցազրույցի ընթացքում։
«Տեսեք՝ դա ինչի հանգեցրեց. Ֆրանսիան ցանկացավ իր ձեռքը վերցնել միջնորդական օրակարգը և ասել՝ ավելի լավ կկարողանա միջնորդել, քան որևէ մեկը, հատկապես Ռուսաստանը: Հենց որ արևմտյան գաղափարախոսությունը սկսեց մխրճվել իրավիճակի մեջ, ամեն ինչ փոխվեց»,- ասել է Զախարովան:
Նրա խոսքով՝ դա կարող է դաս ծառայել բոլորի համար, ովքեր միջնորդության հարցում թեքվելու են դեպի Արևմուտք։
«Ի վերջո, Փարիզն այս անգամ նույնիսկ հարկ չհամարեց որևէ բառ գտնել՝ ինչ-որ կերպ բացատրվելու համար»,- ընդգծել է ՌԴ ԱԳՆ ներկայացուցիչը։
