«Անկախ դիտորդ» հասարակական դաշինքի ներկայացուցիչ, «Իրազեկ քաղաքացիների միավորում» ՀԿ-ի ծրագրերի համակարգող Դանիել Իոաննիսյանը ներկայացրել է իրենց դիտարկման արդյունքները:
Լրագրողների հետ հանդիպմանը նա ասաց, թե ընտրություններն անցել են մրցակցային պայմաններում, սակայն հանրային հետաքրքրությունը բավական ցածր է եղել։
Արձանագրվել են խախտումներ, սակայն դրանք զանգվածային բնույթ չեն կրել։
Իոաննիսյանը նշեց, որ Հանրային հեռուստաընկերությունը «Քաղաքացիական պայմանագիր» կուսակցությանը 2 անգամ ավելի շատ է լուսաբանել, քան մյուս կուսակցություններին։
«Հանրային հեռուստաընկերության խիստ իշխանամետ մոտեցումը պետք է հետագայում դառնա քննարկման առարկա»,- հավելեց նա։
