Ինչպես արդեն հայտնել ենք, Ադրբեջանցի արտիստ Էլմանին պատկանող «Raava Music» լեյբլի ներքո հանդես եկող Անդրոյի համերգը Հայաստանում չեղարկվել է:

Նա հայերին վիրավորող «սթորի» է դրել «Ինստագրամի» իր էջում` հայտնելով չեղարկման մասին։

 «Ամոթալի է, որ «մի կույտ բալվանների» պատճառով  արգելում են մեզ կիսվել սիրով, ձայնով, զգացմունքով, միասնությամբ»,-գրել է նա:

Անդրոն (Իոան Ժանի Կուզնեցով) ծնվել է Կիևում, ազգությամբ գնչու է, ռուսաստանցի հիփ-հոփ կատարող է։

Սոցցանցերում հայ օգտատերերի մի մասը բոյկոտել և դժգոհել էին համերգի փաստից` հաշվի առնելով լեյբլի ղեկավար Էլման Զեյնալովի ադրբեջանցի լինելը։ Համերգը նախատեսվում էր օգոստոսի 30-ին։

 Նշենք նաև՝ խոսվում էր, որ նա Ադրբեջանի նախագահի նախկին փեսայի մտերիմներից է: