Իրանից ցամաքային զորքերի հրամանատար, բրիգադային գեներալ Կիյումարս Հեյդարիի գլխավորությած պատվիրակությունը ժամանել է Մոսկվա՝ քննարկելու ռազմական ոլորտում երկկողմ համագործակցությանը վերաբերող հարցեր, հայտնում է ՌԴ ՊՆ։
Ըստ ՌԴ ՊՆ հաղորդագրության, Ռուսաստանի Դաշնության Զինված ուժերի ցամաքային զորքերի գլխավոր հրամանատար Օլեգ Սալյուկովը և Իրանի ցամաքային զորքերի հրամանատարԿիյումարս Հեյդարին պայմանավորվել են ընդլայնել ռազմական համագործակցությունը։
«Հանդիպման ընթացքում պայմանավորվածություններ են ձեռք բերվել ցամաքային զորքերի միջև տարբեր ոլորտներում համագործակցության հետագա ընդլայնման վերաբերյալ»,- նշված է ՌԴ ՊՆ հաղորդագրությունում։
Տեղեկացվում է, որ Ռուսաստան կատարած այցի շրջանակում իրանական պատվիրակությունը կայցելի ռազմաուսումնական հաստատություններ, ռազմարդյունաբերական համալիրի ձեռնարկություններ։
