Ադրբեջանը և Ռուսաստանը մեծ հաջողությամբ ամրապնդում են հարաբերությունները երկու երկրների միջև դաշնակցային համագործակցության մասին հռչակագրի ստորագրումից հետո։ Այս մասին հայտարարել է Ադրբեջանի նախագահ Իլհամ Ալիևը Շուշիում ընթացող Գլոբալ մեդիա ֆորումում։
«Ինչ վերաբերում է այն ժամանակաշրջանին, որը մենք անցնում ենք ստորագրումից հետո, ապա դա բոլորովին նոր է աշխարհի, մեր տարածաշրջանի համար, այդ թվում՝ Ռուսաստանի և մեզ համար: Բայց, չնայած աշխարհաքաղաքական իրավիճակի լուրջ փոփոխություններին, Ռուսաստանի և Ադրբեջանի միջև հարաբերությունների զարգացումը հռչակագրի ստորագրումից հետո բավականին հաջող է եղել»,- պատասխանել է նա ՏԱՍՍ-ի թղթակցի հարցին:
