Ոստիկանություն ստացվել է հաղորդում, ձեռնարկվում են համապատասխան միջոցառումներ: Կազմված փատաթղթերը կուղարկվեն Քննչական կոմիտե։ Այս մասին Irakanum.am-ին ասացին ՆԳՆ լրատվական ծառայությունից, ի պատասխան այն հարցի, թե համապատասխանում են տեղեկություններն այն մասին, որ այսօր՝ 15:00-ի սահմաններում, վարչապետ Նիկոլ Փաշինյանի որդուն` Աշոտ Փաշինյանին, իր տան մերձակայքից փորձել են առևանգել:
Նշենք, որ քիչ առաջ Նիկոլ Փաշինյանի ընտանիքին պատկանող կայքը՝ Հայկական ժամանակը հղում անելով իր աղբյուրներին, գրել էր, որ փորձել են առևանգել Աշոտ Փաշինյանին:Նախնական տեղեկություններով՝ առևանգման մասնակիցները «Որդիների կանչ» ՀԿ անդամներն են, ովքեր ստիպել են Աշոտ Փաշինյանին նստել իրենց մեքենան, սակայն մի պահ կանգ առած ընթացող մեքենայից Աշոտ Փաշինյանին հաջողվել է դուրս թռչել, որի հետևանքով նրան վրաերթի է ենթարկել նույն կազմակերպության հետևից ընթացող մեքենան: Արդյունքում վնասվել է Աշոտ Փաշինյանի ոտքը, իսկ դեպքի վայրից «Որդիների կանչ» հասարակական կազմակերպության անդամները դիմել են փախուստի: Աշոտ Փաշինյանը դիմել է իրավապահներին:
Irakanum.am
