Քաղաքապետի առաջիկա ընտրություններին ՔՊ-ի ցուցակը գլխավորել պատրաստվող Տիգրան Ավինյանը քիչ առաջ, դիմելով քաղաքապետի աթոռին հրաժեշտ տված Հրաչյա Սարգսյանին, նախ, շնորհակալություն հայտնեց նրան քաղաքապետարանի աշխատակազմի, վարչական շրջանների ղեկավարների եւ երեւանցիների անունից։
Ապա Ավինյանը, հիշեցնելով, որ Սարգսյանի հետ աշխատել է դեռեւս 2018թ․-ից՝ շեշտեց․
«Այն քիչ անձանցից եք եղել, ում հետ համակարգային լուծումների պատկերացումները խնդիրների վերաբերյալ շատ ընդհանրական են եղել։ Մենք բոլորս մեր ուրույն ձեւով ենք սիրում ու պատկերացնում քաղաքի լուծումները եւ քաղաքը շենացնելու համար ամեն մեկս մեր քարն ենք դնում։ Ձեր դրած քարերը վստահ եմ՝ ամուր են։ Վստահ եմ՝ լինելու եք հիշված»,- ասաց Ավինյանը, ապա ծափերով ճամփեց Հրաչյա Սարգսյանին։
