Ռուսական կողմը մտահոգված է Ադրբեջանի և Հայաստանի միջև հարաբերություններում առկա բացասական միտումներով և կօգնի փոխզիջումներ գտնելու հարցում, ճեպազրույցի ժամանակ ասել է ՌԴ ԱԳՆ պաշտոնական ներկայացուցիչ Մարիա Զախարովան։
«Մենք, անշուշտ, անհանգստացած ենք Բաքվի և Երևանի հարաբերություններում վերջին շաբաթների ընթացքում ի հայտ եկած բացասական միտումներով, կոշտ հռետորաբանության, մեղադրանքների փոխանակմամբ, որն ուղեկցվում է տարածաշրջանում աճող լարվածությամբ», - ասել է նա։
«Մենք ադրբեջանական և հայկական կողմերին կոչ ենք անում բարի կամք դրսևորել և համատեղ փոխզիջումներ փնտրել: Մենք դրան կցուցաբերենք բոլոր հնարավոր օգնությունները»,- հավելել է Զախարովան։
