Գյումրիի «Շիրակը» հանդես է եկել պաշտոնական հայտարարությամբ, որում պարզաբանվում է, թե ինչու չկայացավ այսօրվա մամուլի ասուլիսը։ «Հարգելի երկրպագուներ, «Շիրակը» երկուշաբթի օրը, մայիսի 14-ին, բողոքարկել է ՀՖՖ կարգապահական կոմիտեի որոշումը։ Քանի որ մինչ օրս մենք չենք ստացել բողոքարկման կոմիտեի որոշումը, հարկ համարեցինք մամուլի ասուլիս չանցկացնել։ Միայն որոշումը ստանալուց հետո կտանք բոլոր հարցերի պատասխանները։ Իսկ մինչ այդ, մայիսի 20-ին, ժամը 17:00, բոլորին հրավիրում ենք Գյումրու Քաղաքային Մարզադաշտ՝ միասին նշելու «Շիրակի» չեմպիոնությունը»,- ասված է հայտարարությունում։ Մայիսի 20-ին, Բարձրագույն խմբի առաջնության վերջին տուրում «Շիրակը» կընդունի «Փյունիկին»։