«Դիմադրություն» շարժման գործողությունների արդյունքների վերաբերյալ աստիճանաբար մեծանում է միջազգային խոշորագույն կազմակերպությունների արձագանքը, այս մասին Ֆրանսիայի հրապարակում «Դիմադրություն» շարժման հանրահավաքի ժամանակ հայտարարեց ԱԺ «Հայաստան» խմբակցության պատգամավոր Արամ Վարդևանյանը։
««Սոցինտեռն»-ը արձագանքել է մեր կողմից Արցախի վերաբերյալ բարձրացվող հարցերին, ինչպես նաև այն խայտառակ քաղաքական հետապնդումներին, որ տեղի են ունենում Հայաստանում։ Դրանք այլևս գաղտնի, թաքուն չեն կարող պահել, չի լինելու այդպես»,– ասաց նա։
Վարդևանյանը տեղեկացրեց, որ հուլիսի 15-ին՝ ժամը 19.30, Ֆրանսիայի հրապարակում տեղի կունենա հանրահավաք, որի ժամանակ եվրոպական այցի արդյունքները կներկայացնի «Հայաստան» խմբակցության պատգամավոր Իշխան Սաղաթելյանը։
Շաբաթվա ընթացքում ևս ակցիաներ կլինեն, դրա մասին հավելյալ կտեղեկացնեն։
Վարդևանյանը նշեց, որ ընդդիմությունը, բնականաբար սխալներ գործել է և դասեր քաղել դրանցից, սակայն ընդդիմության սխալները հազարավոր զոհերի, հայրենիքի կործանման պատճառ չեն դարձել, դրա համար պայքարը շարունակելու են։
