ԱՄՈՒՐ ԵՎ ԵՐԿԱՐԱԺԱՄԿԵՏ ԱՆՎՏԱՆԳՈՒԹՅՈՒՆ
Հայաստանի Հանրապետության շուրջ խաղաղության ամրագրումը պետք է դառնա երկրի զարգացման կարևորագույն նպատակը։ Հայաստանի Հանրապետության հանդեպ ռազմական ոտնձգության հավանակությունը պետք է հասցվի զրոյական մակարդակի։
Այդ նպատակին հասնելու առաջնային գործիքը հզոր և մարտունակ բանակն է։ Բանակաշինությունը պետք է դառնա տնտեսության, գիտության առաջնային ճյուղերից մեկը։
Ունենալով արտաքին մատակարարումների հնարավոր խնդիր` անհրաժեշտ ենք համարում Հայաստանի Հանրապետությունում ռազմարդյունաբերական գործունեության ծավալումը` շեշտադրում անելով առաջնային նշանակության սպառազինության արտադրությանը, ժամանակակից տեխնիկական միջոցների ու փոխարինող լուծումների ստեղծմանը` այդ նպատակով ապահովելով գիտական և պաշտպանական համակարգերի ներդաշնակեցում: