Այսօր մամուլի ասուլիսի ժամանակ լրագրողներն Իշխան Սաղաթելյանից հետաքրքրվեցին՝ արդյո՞ք ԱԺ արտահերթ նիստին մանսակցելու են երկու ընդդիմադիր խմբակցությունները, եթե հաշվի առնենք օրինակ Արթուր Վանեցյանի հայտարարությունն այն մասին, որ ինքն ԱԺ-ում այլևս անելիք չունի։
Սաղաթելյանը հայտարարեց, որ արտահերթ նիստի պահանջը ներկայացրել են երկու ընդդիմադիր խմբակցությունները․ «Քանի որ երկու խմբակցությունների նախաձեռնությունն է, ինձ թվում է, որ բոլոր պատգամավորները պետք է ներկա լինեն»։
«Այստեղ խնդիրը մեծամասնությունն է՝ ներկա լինելու են, թե՝ ոչ։ Իրենք երկու ճանապարհ ունեն՝ կամ պետք է գան նիստին և հիմնավորեն, թե ինչու են դեմ կամ ձեռնպահ քվեարկում փաստաթղթին, այսինքն՝ հիմնավորեն, որ Արցախը լինելու է Ադրբեջանի կազմում, կամ պետք է տապալեն նիստը։ Երկու պարագայում էլ մտնում են փակուղի։ Ամենևին պատահական չէ այս արտահերթ նիստի նախաձեռնությունը»,-հավելեց նա։
Սաղաթելյանն ընդգծեց, որ խորհրդարան գնում են իրենց օրակարգով, ոչ թե օրինակ քննարկելու համար պետական կառույցներում լրագրողների գործունեությունը սահմանափակելու մասին օրենքը։