5165 շարժումը հայտարարություն է տարածել, որում ասված է․

Նիկոլ Փաշինյանին հեռացնելուց հետո ձևավորվելու է հանրային  վստահության արժանացած, ազգային համաձայնության ժամանակավոր կառավարություն, որը լուծելու է նշված խնդիրները․

1․ Բանակի վերականգնում, վերազինում և մարտունակության բարձրացում, 

2․ Արտաքին սպառնալիքների չեզոքացում՝ դիվանագիտական հարաբերությունների կարգավորմամբ,

3․ Ատելության մթնոլորտի վերացում՝ հանրության ներքին համերաշխության ապահովմամբ,

4․ Տնտեսական ազատությունների և սոցիալական արդարության երաշխավորում, 

5․ Նոր խորհրդարանական ընտրությունների կազմակերպում՝ մեկ տարվա ընթացքում։

Վերը նշված ժամանակավոր կառավարությանը չեն անդամակցելու ՀՀ նախկին նախագահները և առավելևս  չեն ղեկավարելու այն։

Ավելի վաղ շարժումը հայտնել էր, որ ապրիլի 19-ից սկսում են անդադար ռեժիմի գործողություններ՝ հասնելու Նիկոլ Փաշինյանի հեռացմանը։