հակաՀայաստանի պառակտիչ քարոզչության արդյունավետության նախադրյալներից մեկն այն է, որ ՀՀ գոյության 30 տարվա ընթացքում ասպարեզում եղած և ոչ մի ուժ, ոչ մի գործիչ այսօր էլ չի ուզում հնարավորինս անկեղծորեն հաղորդակցվել հանրության հետ։
Ոչ մի ուժ, ոչ մի գործիչ չի փորձում անկեղծ ընդունել իր գործած սխալները, մեղքերը և բաց խոսել դրանց մասին՝ մեկընդմիշտ զրկելով պառակտիչներին իրենց խաղաքարտերից։
Երբեմն այդ ուժերը / մարդիկ չեն էլ գիտակցում, որ այս կամ այն քայլը սխալ է եղել, երբեմն լավ էլ գիտակցում են, բայց իրենց թվում է՝ եթե լռեն, կանցնի, կգնա։
Այդպես չէ։
Ընդ որում ասածս ոչ միայն պայմանական «նախկիններին» է վերաբերում։
Նախկինների մեղքերը բազում են ու բազմազան, բայց նաև այն մարդիկ, որոնք դեռ երեկ Նիկոլի կողքն էին, իսկ հիմա ինչ-ինչ պատճառներով Նիկոլին քննադատում են, իրենք էլ բացարձակապես չեն շտապում հանրության հետ անկեղծանալ։
Նիկոլիզմի կառուցած ստի, մանիպուլյացիաների և ատելության թագավարության հիմքում նաև մնացած բոլորի լռությունն է, կիսաճշմարտությունները, կիսատ և մանիպուլյատիվ ակնարկները ևն։
Ասե՛ք, խոսե՛ք, դուք հանրությանը ճշմարտություն եք պարտք։
Մի՛ փորձեք մրցակցել Նիկոլի հետ ստերի ու մանիպուլյացիաների դաշտում, համատարած կեղծավորության այս միջավայրում ամենաուժեղ զենքն անկեղծությունն է։
