Հայաստանի Արտաքին գործերի նախարարությունը ընթացիկ տարում գերատեսչության համար մի շարք գնումներ է արդեն իսկ կատարել։ Ձեռք բերված ապրանքների և ծառայությունների համար հիմնականում մրցույթ չեն հայտարարել, կատարվել է մեկ անձից։ Օրինակ «Մոնամի» ծաղկի սրահից նախարարությունը մեկ փունջ ծաղիկ է գնել, որի համար վճարել է 45 հազար դրամ։ Մեկ այլ պայմանագրով էլ հյութեր է ձեռք բերել, այս անգամ «ՍԱՍ» ընկերությունից։ Մասնավորապես Արարատ Միրզոյանի ղեկավարած նախարարությունը գնել է 12 հատ նարինջի հյութ, 10 հատ՝ բալի ու քանի որ տոպրակի գները ևս թանկացել են, երկու տոպրակի համար վճարել են 80 դրամ։ Զովացուցիչ ըմպելիքներ ձեռք բերելու պայմանագիրը կնքվել է մարտի 30-ին և վճարվել է 8680 դրամ գումար։
Նույն օրը՝ մարտի 30-ին նախարարությունը պայմանագիր է կնքել այս անգամ
Մոնամիից՝ ծաղիկ, Սաս-ից՝ հյութ, մեկ այլ կազմակերպության հետ կնքված պայմանագրի համաձայն էլ նախծարաոիթյունում մեքենայի շարժիչի յուղ ու յուղի զտիչ են գնել «Կարկոմ» ՍՊԸ-ի հետ։ Ընկերության հաշվին փոխանցվել է 41.410 դրամ, որի շրջանակներում կատարվել է յուղի զտիչի, վառոցքի մոմերի փոխարինում, ինչպես նաև շարժիչի յուղ ու յուղի զտիչ է գնվել։
129 հազար դրամով էլ ճաշկերույթ են կազմակերպել։ Մասնավորապես «Անուշ Նանի» ՍՊԸ-ի հետ կնքված պայմանագրի համաձայն ծառայությունը մատուցվել է 2022 թվականի մարտի 29-ին, գումարը փոխանցվել՝ հաջորդ օրը։
Նախարարությունում մարտի 28-ին էլ են ճաշկերույթի համար էլ են վճարել։ Այս անգամ «Յասաման» ռեստորանում է տեղի ունեցել, որի համար նախարարության բյուջեից հատկացվել է 73.250 դրամ։
Իսկ ահա 1 մլն դրամի պայմանագիր նախարարությունը կնքել է «ֆուլօփսիս» ՍՊԸ-ի հետ, որի շրջանակներում ընկերությունը իրականացրել է համակարգչային սարքերի պահպանման և վերանորոգման ծառայություններ։
Այսքանով իհարկե նախարարության ծախսերը չեն սահմանափակվում։ ԱԳՆ-ի բյուջեից ներկայացուցչական այլ ծախսեր ևս իրականացվել են, որոնք դարձյալ ըստ էության համարվել են հրատապ ու առանց մրցույցի են կատարվել։
Irakanum.am
